Willem is nie ‘n ou wat hou van foto’s nie, so ek weet ek moet spark. Die twee dogtertjies is ook nie meer juis lus vir baie nie – dis dan amper alweer tyd vir middagete. So tussen die mis wat bly aankom, Willem se ongemak voor die kamera en twee honger dogtertjies, moet ons hardloop, lag, duine klim, onthou om foto’s te neem en die sessie geniet. En ons kry dit wragtag reg om almal te lag en speel. (Die wonder van ‘n bal!) 

Geniet hierdie sonnige foto’s op ‘n baie mistige dag van hierdie pragtige gesin!